Für den feinen Dessert danken wir herzlichst Elfi Mazenauer!

Herzlichen Dank, liebe Kathy Eikenberry, für Deine Fotos für diese Reportage.
Du und Dein Mann sind zu unseren favorisierten Hoffotografen geworden.

 

Syt 21 Johr schpiel ich Posune
Dass d Luft mir längt, do drüber muess i schtune
Bi mit Freud in d Musik ko
Blyb gärn no ne Zytli do
Doch für Nochwuchs sorge kann i nüm, bi scho ne z’alti Pflume

In dr Stadtmusik schpielt en ur-uralts Quintett
Doch nötig wär’s, dass’s viel mehr Jungi hätt
Drum sötte mir meh rogge
Chömmed, mache mir is uf d’Sogge
Sunscht blybe mir uf dene viele roschtigen Alte hogge

Unsre Brummbär vo dr Musik isch dr Hit
Wyl är sich intressiert mit de Jungen abgit
Wenn är au mängisch z’viel schnurrt
Isch’s allwä, wyl sy Magen immer knurrt
Aber är isch dä wo zwüsche alt und jung git dr nötig Kitt

Mir sin d’Melodie Makers vo dr Schtadt
Und meischtens finde’s mir au no ganz glatt
Gemeinsam z’musiziere
Dur’s Schtädtli uf z’marschiere
Das isch dr Jugendfescht-Hit, nur die Meischte hän das längschtens satt

E jede von is isch e Melodie Maker
Und unsre Dirigänt dr Melodie Shaker
Mir erläbe zämme viel Schpass
Bemüeihe is z’sy First Class
Zum z’friedeschtelle vo unsre Fän und jedem Melodie Taker